shabdpremi

बापाचे गोडवे तू कधी गात नाही आणि बापही तुला कशाची कमी पडू देत नाही..... १ लहानपणापासून बापाची भीती वाटत होती ,  म्हणून तू आईच्या कुशीत विसावलास ... पण घराला घरपण मिळावं म्हणून शरीराच पाणी पाणी करणाऱ्या ह्या बापाला तू विसरलास.....२ दिवसभराच्या उन्हाला शरीराचा सोबती मानत तो राब राब राबला, घरी जाताच चिमुकल्याच्या आलिंगनाची आस धरून जगत राहिला......३ कधी घरापासून दूर गेलास तर आईच्या आठवणीने तू व्याकुळ झालास, पण बापाला तू गेल्याच किती दुःखच होतंय, हेच बघायचं राहिलास.... ४ तुझ्यासाठी बाप म्हणजे ATM मध्येे  पैसे टाका म्हणून रडणं... पण कधी पाहिलस का , ATM भरतं रहावं म्हणून, बापाचं रात्र रात्र जागून काम करणं....५ मुलीसाठी नेहमी तो जादूगरा सारखा जगतो, लग्नाच्या दिवशी तिच्या , स्वतःचे अश्रू लपवत फिरतो.....६ बाप कठोर , निर्दयी , मारकुटा म्हणून  दूरच त्याच्या तू राहिलास, पण तुला मारतानाही किती दुःखं होत असेल त्याला, कधी पाहिलस..... ७ बाप गेल्याच दुःख , बाप गेल्यावरच कळेल का आभाळा एवढी किंमत , रडून रडून मोजशील का........८

         एक असतात ज्यांना देव आवडत नाहीत , म्हणून स्वतःला नास्तिक म्हणवून घेत फिरणारे आणि दुसरे असतात , देवाचे भक्त , देवाचे पूजक , देवाला सर्वस्वी मानणारे , आस्तिक. ह्यांना तशी वैयक्तिक प्रसिद्धीची गरज भासत नाही कारण देवाला पूजताना त्यांचे नाव लौकिक होतेच. पण आस्तिकांच देवाला वेगवेगळ्या प्रकारे पूजणं नास्तिकांच्या कधीकधी जास्तच नाकीनऊ आलेलं दिसून येतं. मग नास्तिकांवर त्यांच्यातील नास्तिकता कमी करून आस्तिकांसारखं बनू पाहण्याची वेळ येते.                 कधी कधी नास्तिकांना देवाचा राग तरी का आणि कशामुळे आलेला आसतो हे कळने अशक्यच होऊन बसतं. मग आस्तिकांसारखं संकटकाळी ते कुणाला हाक मारत असतील? कुणास ठाऊक.   पण आस्तिकांच्या भक्तीला दाद म्हणून संकटकाळी देव धावून येतो वा येत नाही हा भाग वेगळा. एकंदरीत आपली वेगळी ओळख निर्माण व्हावी म्हणून  स्वतःला नास्तिक म्हणवून घेण्याचा त्यांचा खटाटोप चाललाय अस वाटत...आणि आस्तिक माणसं देवाच्या सेवेत तल्लीन होत दिवसंदिवस पूर्ण बहाल करता...